Пожар избувнал попладнево во скопската населба Злокуќани при што биле зафатени четири куќи.
Командирот на Територијалната противпожарна бригада на Град Скопје, Звонко Томески за МИА изјави дека пожарот е изгаснат навреме и оти на терен е интервенирано со 13 пожарникари и пет возила.
– Постоеше опасност од ширење на пожарот, но навремеме беше интервенирано. Нема повредени лица, изјави Томески.
Пожарот изби на улицата „Скупи бр.12“.
Материјалната штета дополнително ќе се утврдува.