Портпаролот на владата на Република Македонија изјави дека владата смета дека институциите имаат целосен кредибилитет и одговорност да ги расветлат случувањата од Собранието од 27 април.
– Сметаме дека институциите имаат должност да го расветлат случајот заради потребата од правда и владеење на правото во Република Македонија и никогаш повеќе да не се повтори такво нешто, рече Бошњаковски, одговарајќи на новинарско прашање.
Тој кажа дека средбата кај претседателот Иванов на која што присуствуваа премиерот Зоран Заев и лидерот на ВМРО-ДПМНЕ, Никола Груевски била редовна појава во рамките на едни демократси проеси.
– Поканата дојде од претседателот Иванов и премиерот Заев беше присутен на таа средба. Таму се разговараше за сите отворени прашања и настани што се случуваа овие денови, рече Бошњаковски по денешната средба со новинарите во Владата на РМ.