Оставката на претседателот на Зимбабве, Роберт Мугабе отвара можност земјата да тргне по нов пат, ослободен од угнетувањето кое што го одбележа неговото владеење, оцени британската премиерка Тереза Меј.
– Последните денови ја гледаме желбата на народот на Зимбабве за слободни и чесни избори и за можност да биде обновена економијата на земјата преку една легитимна влада, изјави Меј.
Таа најави дека Велика Британија ќе го поддржи Зимбабве, како нивни најстар пријател.
Зимбабве е поранешна британска колонија, а независност доби во 1980 година, од кога Мугабе стана претседател.