Денеска продолжи расправата по однос на овој случај каде што за прв пат имав можност да се изјаснам дека сум невин и се надевам дека овој процес побрзо ќе заврши со што ќе се заврши целата оваа приказна и ќе се докаже мојата невиност.
Истовремено слушнав дека е одложено судењето на претседателот на Владата, Зоран Заев, и колку што можам да се сетам речиси 2 години не може да започне така што добро е ова рочиште каде што сум јас повикан се движи, додека од друга страна гледаме одбегнување и оддолжување.
Екс претседателот на ОК на ВМРО-ДПМНЕ за Центар, Томислав Лазаров кој е обвинет заедно со Груевски за „шамарите во Центар“ се изјасни како виновен и рече дека длабоко се кае за стореното дело во постапката за нарачаното насилство во општина Центар.