Советот на Општина Тетово денеска одржа конститутивна седница на која беа верификувани и мандатите на новите советници, но не беше избран ниту претседавач ниту мнозинство но Советот. Нивниот избор беше одложен откако советничка од ДУИ побара дополнителни консултации за избор на комисија за именувања и мандатни прашања.
Градоначалничката на Тетово Теута Арифи изјави дека имаат мнозинство и оти ќе бидат потребни уште малку консултации за комисиите.
Советот на Општина Тетово има 31 советник. ДУИ има 9, Беса 6, ВМРО ДПМНЕ 5 Алијансата за Албанците 4 ДПА 3, СДСМ 3 и едно советничко место има Демократската партија на Турците.