Сојузот на синдикати на Македонија денеска соопшти дека во текот на следната недела ќе го разгледа и ќе донесе став во врска со најавеното зголемување на платите во образованието, здравството и одбраната предвидено со Предлог-буџетот за 2018 година.
– ССМ исто така апелира и ја охрабрува Владата на Република Македонија и министерот за финансии Драган Тевдовски во наредниот период да почне со зајакнување на социјалниот дијалог со синдикатите, како полесно би се надминале одредени состојби и би се створиле услови за покачување на платите во останатите сектори, се наведува во соопштението.