Харадинај: Косовската граница со Црна Гора е на Чакор

Од:

Косовскиот премиер Рамуш Харадинај денеска изјави дека границата меѓу Косово и Црна Гора е на Чакор.

– Косово има своја Државна комисија од која очекувам резултати. Јас сум сигурен дека границата е на Чакор, изјави Харадинај по средбата со косовската министерка за животна средина Албена Решитај.

Ваквата изјава на Харадинај всушност претставува индиректен одговор на барањето на шефот на државата Хашим Тачи, косовскиот Парламент што побрзо да го ратификува веќе склучениот Договор за демаркација на границата со Црна Гора.

Со овој Договор, предвидено е врвот Чакор да и припадне на Црна Гора.

Договорот за обележување на косовско-црногорската граница беше потпишан во август 2015 година, но досега е ратификуван само од страна на Црна Гора.

Во врска со прашањето околу повлекувањето на одлуката на Суринам за признавање на Косово, Харадинај кусо одговори дека нема враќање на независноста на Косово, додавајќи дека тој случај не е потребно да се коментира.

Би можело да ве интересира

Вучиќ: Во Брисел знаат која страна го кочи напредокот во дијалогот меѓу Белград и Приштина

Одмаздољубива жена е виновникот за принудното слетување на патнички авион во Подгорица

Горан Наумовски

(ВИДЕО) Шпанците уапсија нарко-бос од Косово, во рацијата уапсени се 10 лица

Горан Наумовски

Србија повторно ќе испрати барање за враќање на 1.000 српски војници и полицајци на Косово

Предраг Петровиќ

Резолуција за геноцид повторно „затропа“ на црногорската врата

Предраг Петровиќ

Вучиќ утре ќе се изјасни, на маса и опцијата за прогласување окупација на дел од територијата на Србија

Предраг Петровиќ