Протестанската Демократска унионистичка партија (ДУП) и католичката Шин Фејн (СФ) не постигнаа договор за состав на нова влада на национално единство во Северна Ирска, и покрај постигнатиот напредок во преговорите, изјави денеска британскиот министер за Северна Ирска, Џејмс Брокеншир.
Тој нагласи дека под тие околности Лондон ќе биде принуден да воведе директна управува над покраината, за да обезбеди континуитет во работата на државните служби.
– Ниту една Влада не може едноставно да не работи и да дозволи тоа да се случи. Поради тоа сега ги правиме неопходните чекори за поднесување на нацрт-закон во британскиот Парламент, што на населението на Северна Ирска ќе му гарантира работење на државните служби, додаде Брокеншир.
СФ исто така соопшти дека преговорите со ДУП завршиле неуспшено.
– СФ е разочарана, бидејќи пропаднаа неколкунеделните преговори. Направивме се што е во наша моќ за да бидеме флексибилни, наведе лидерката на партијата Мишел О’Нил.