Со поддршка од коалиционите партнери СДСМ во Охрид пред споменикот на Свети Кирил и Методиј ги продолжи протестите, на кој што присуствуваа неколку стотина граѓани.
Меѓу присутните беше и претседателот на ОК на ВМРО-НП во Охрид, Ванчо Костовски предупреди дека власта подготвува ликвидација на еден од најголемите македонски загубари и поранешен гигант фабриката ЕМО, и оти тоа било одложено заради престојните избори во Македонија.
Тој ги потсети присутните на ветувањата како што рече на Груевски пред 6 години кој ветил фабрика за автогалантерија во која требало да се вработат 1000 луѓе, а која никаде ја нема.
Долгогодишниот новинар и поранешен претседател на ЗНМ во Охрид, Борис Ѓеорѓиевски рече дека е огорчен од она што се случува во Македонија и од последниот случај на исфрлување на новинари од македонското Собрание.
„Она што најповеќе ме загрижува е таа разединетост меѓу новинарите во Македонија. Ми се чини дека сегашната власт игра на таа карта, да се разедини тоа новинарско ткиво, и врз таа основа и понатаму ќе ја гради својата политика“, рече Ѓеорѓиевски.
„Новинарите не се само седма сила туку тие се и совест на ошптеството. Ако нив ги замолчат и ги купат тогаш ова општество ќе биде без совест и без морал. Сакам да кажам и да ја пофалам постапката на писателот Димитар Башовски кој како поддршка на новинарите го напушти Друштвото на писателите на Македонија.
– Тоа е за почит и тоа е за поздравување. Ние како опозиција на власта и одговараме дека ова нема да помине, бидејки ние имаме историска обврска да го браниме Уставот и Парламентарната демократија во Република Македонија. Опозициијата е подготвена до крај да се бори за вистината“, рече Митре Вељановски пратеник на СДСМ