Естонија го поддржува проширувањето на Европската унија и интеграцијата на земјите од Западен Балкан, изјави естонскиот премиер Јури Ратас на денешната средба со претседавачот на Претседателството на Босна и Херцеговина, Драган Човиќ.
Ратас истакна дека земјите кои постигнале значаен напредок во настојувањето за присоединување кон ЕУ, треба да имаат можност за интегрирање во тој процес.
– На претседавачот Човиќ му препорачав земјата да продолжи со неопходните реформи. Стабилноста на западноевропските земји и евроатланската интеграција се многу важни за ЕУ и Естонија, но не помалку важни се очекувањата на граѓаните на Босна и Херцеговина дека нивната земја ќе се движи со брзо темпо кон ЕУ, нагласи естонскиот премиер.
Европската унија им додели кандидатски статус на Македонија, Албанија, Србија и Црна Гора. Босна и Херцеговија поднесе барање за членство во Унијата во 2016 година.