Русија стави вето на предлог-резолуцијата во Советот за безбедност на Обединетите нации, со што го спречи обновувањето на мандатот на мисијата која ја испитува употребата на хемиско оружје во Сирија.
Истрагата на ОН и на Организацијата за забрана на хемиско оружје – позната како Заеднички истражен механизам – беше едногласно формирана од 15-члениот Совет за безбедност на ОН во 2015 година и обновен во 2016 година за уште една година.
Нејзиниот последен извештај треба да биде презентиран в четврток, а мандатот на мисијата истекува во средината на ноември.
Кина се воздржа при денешното гласање, додека Боливија се приклучи на Русија во гласањето против. Единаесет земји гласаа за текстот на предлог-резолуцијата со која требаше да се продолжи мандатот на ова тело за контрола на хемиското оружје во Сирија за уште една година.