Шефот на косовската дипломатија Енвер Хоџај изјави дека премиерот Хашим Тачи на средбата со српскиот колега Ивица Дачиќ на 17 јануари ќе побара отворање на канцеларија за врски во Приштина и во Белград, а претставниците на двете држави да имаат дипломатски имунитет.
Хоџај истакна дека се работи на тоа Косово да има свој амбасадор во Србија.
– Ние интензивно работиме Косово да има свој амбасадор во Србија и канцеларија за врски. Тоа ќе биде официјално именување. Очекуваме и Србија да испрати свој преставник во Косово, истакна Хоџај.
На последната средба во Брисел двајцата премиер се согласија Приштина и Белград да имаат по еден свој претставник за врски, но Дачиќ посочи дека не се договориле за отворање на канцеларија за врски.