Вчера во 15 часот во фирма на улица 32 во населбата Илинден починал турски државјанин Џ.П., кој таму истоварал роба со камион.
Џ.П. пристигнал со товарно возило „МАН“ со турски регистарски таблици, а откако ја истоварил робата на улицата, му се слошило и паднал во дворот од фирмата, по што починал.
Од страна на лекар од Итна медицинкса помош, констатирана е смрт без траги на насилство. Увид на лице место извршила екипа од Секторот за внатрешни работи-Скопје, а по наредба на Јавен обвинител, телото на починатиот со погребално возило е однесено во судска медицина за понатамошна постапка. Од страна на увидна екипа возилото е дислоцирано и запечатено до доаѓање на претставник од фирмата од Република Турција во чија сопственост е камионот за преземање на истиот.