Регионална средба со кандидат(к)и за градоначалници и носители на советнички листи во Вардарскиот регион ќе се одржи денеска во Велес, во организација на Националната мрежа против насилство врз жени и семејно насилство и Здружението на еднородителски семејства „Една Може“.
На средбата кандидатите ќе потпишат Јавна заложба за унапредување на заштитата на жените и децата жртви на различни форми на насилство, вклучително и семејно насилство.
Целта на средбата, како што информираат организаторите, е претставување на потребата од преземање на конкретни мерки на локално ниво и обезбедување на средства од локалната самоуправа за унапредување на пристапот до сервиси за жените и децата жртви на насилство.