Битолчани ги препознаваат чесниот пристап и искрените намери на нашите кандидати. Ние знаеме дека во Битола може поинаку, рече денеска носителот на независната листа кандидати за советници во Советот на Општина Битола Габриела Илиевска чие мото во предизборната кампања е „Поинаку“.
Независните кандидати за советници, нагласи Илиевска, остваруваат поинакви средби со битолчани.
– Настапуваме тивко и ненаметливо, со промовирање на проектите од изборната програма, со критички осврт кон власта, но и со почит кон политичките конкуренти, истакна Илиевска.