Кандидатот за градоначалник на Струмица од СДСМ, Коста Јаневски, ветува изградба на функционална целина зад стариот објект на АТШ Берово, која ќе биде покриена со ридест зелен појас и ќе има со пешачки, велосипедски и скејт патеки и паркинг за посетителите на градскиот парк.
– Останатиот простор ќе биде хортикултурно уреден каде што е предвидено да бидат поставени клупи и куќарки како видиковец, патеки за трчање и дел за пикник, со посебна локација за парк за миленици, простор за картинг и многу други содржини кои дополнително ќе го разубават и ќе му дадат живост на „срцето на Струмица“, рече Јаневски.
Тој најави дека целиот простор ќе се преуреди со парковско зеленило и дополнителна урбана опрема, каде, како што вели, граѓаните ќе имаат можност да одмараат и рекреираат во слободното време.
Во градскиот парк ќе биде имплементиран систем за паметно осветлување преку посебни единици кои ќе бидат интегрирани во постоечкиот систем, а ќе овозможуваат заштита на животната средина и заштеда на енергија, ветува Јаневски.