Кандидатот за градоначалник за Куманово од ВМРО-ДПМНЕ, Зоран Ѓорѓиевски, ветува изградба на градинки и детски игралишта.
Со програмата на Коалицијата „За подобра Македонија“, предводена од ВМРО-ДПМНЕ, како што изјави Ѓорѓиевски, е предвидено да се градат градинки кај училиштето „Толи Зордумис“ со капацитет од 150 до 200 деца, како и во населбите „Карпош“ и „Перо Чичо“. Се планира да се прошират и капацитетите на постоечката градинка во населбата „Гоце Делчев“.
На слободниот простор во училишниот двор на „Толи Зордумис“ е предвидена зградба на мини детско игралиште, едно од предвидените 50 на подрачјето на целата општина.
– За нашите најмлади сограѓани ќе има простор за исполнување на слободното време и ќе им овозможиме здраво детство, изјави Ѓорѓиевски.