„Кале повеќе не е симбол што го краси Скопје.
Никола Груевски и неговата продолжена рака Коце Трајановски, го претворија Скопското Кале во место на запуштеност и на забранет пристап.
На градоначалникот во заминување воопшто не му е грижа што Скопското Кале е обраснато во густа трева. Не го загрижува тоа што има само еден пристап до Скопското Кале и што туристите не можат да стигнат ниту до набљудувачниците, ниту до кулите.
Како што гледате, главниот влез е блокиран со огромни камења, а на главната патека има израснато дрво.
Ваквата негрижа и пред граѓаните и пред туристите остава впечаток на тотална запуштеност, негрижа за малкуте површини кои треба да бидат зелени, негрижа за безбедноста на посетителите, и негрижа за културното наследство врз кое Груевски и Трајановски се обидоа да подигнат дивоградба.
Жолтите ленти за забранет пристап им сигнализираат на туристите дека се наоѓаат во Општина Тетово, а не во Скопје.
Никола Груевски и Коце Трајановски се најодговорни за запуштеноста на Скопското Кале кое го искористија и за предизвикување на конфликт тогаш кога им беше потребно.
По 15ти октомври, новата градска власт ќе го врати животот на Скопското Кале не само за сите граѓани на Скопје, туку и за туристите. Ќе изградиме пристапни патеки од неколку страни, ќе ги уредиме зелените површини на Калето и ќе ја збогатиме туристичката понуда со многу нови содржини. Животот на Скопското Кале ќе го збогати животот во Скопската Чаршија и во Скопје како град на сите!“, изјави Љубица Јанчева, кандидатка за член на Советот на Град Скопје.