Кандидатот за градоначалник на општина Аеродром од ВМРО-ДПМНЕ и коалициските партнери, Ивица Коневски денеска најави изградба на модерен фитнес центар во населбата Ново Лисиче.
– Доколку ја добиеме довербата од граѓаните на 15 октомври, новиот фитнес центар ќе го изградиме веќе наредната година во склоп на Спортско-рекреативниот центар „Ново Лисиче“, рече Коневски на денешната прес-конференција.
Со овој проект, додаде, општина Аеродром ќе го оплемени неупотребуваниот и запуштен дел од комплексот преку негова реконструкција во вежбалница со модерни справи за вежбање, кои ќе бидат достапни за сите аеродромци.