Кандидатот на СДСМ и коалицијата за градоначалник на општина Карпош Стефан Богоев денеска најави целосна реконструкција на игралиштето Сокол, кај основното училиште „Христијан Тодоровски – Карпош”, во Карпош 1 и рестартирање на турнирот Сокол.
– Новата општинска власт, после 15 октомври ќе го реконструира постоечкото игралиште Сокол и повторно во летниот период ќе го ставиме во функција турнирот Сокол, кој е со голема традиција во ова маало и генерално во Карпош. Токму турнирот Сокол ги обединуваше генерациите во Карпош, од најмали до најстари, заедно да се дружат и да спортуваат преку летниот период, изјави Богоев по денешната посета на игралиштето Сокол.
Нагласи дека игралиштето сега е претворено во депонија, и како што посочи, сосема заборавено од општинските власти.
– Игралиштето е дури и небезбедно. Во духот на враќање на здравиот живот, на спортот и маалскиот живот во Карпош, планираме целосна реконструкција на овој терен и рестартирање на турнирот Сокол, рече Богоев.