Министерот за внатрешни работи Оливер Спасовски денеска се сретна со амбасадорот на Република Франција во Македонија, Кристијан Тимоние.
МВР соопшти дека Спасовски и Тимоние се согласиле дека соработката меѓу полициите на двете држави е на високо ниво и разговарале за можностите таа соработка уште повеќе да се интензивира, пред се во справувањето со глобалните предизвици како што се борбата со тероризмот и насилниот радикализам и проблемот со мигрантите, затоа што, како што се наведува, само со соработка меѓу државите е можно справување со овие предизвици.
Министерот Спасовски и амбасадорот Тимоние разговарале и за проектите за обука на припадници на македонската полиција што во соработка со француската полиција треба да се реализираат во наредните неколку месеци.