„СДС за градоначалник на Неготино нуди човек од матната транзиција. Тони Делков, човекот кој своевремено учествуваше во приватизацијата на ФЕМ не може да биде градоначалник на Неготино.
На Неготино не му е потребен градоначалник кој учествувал во матното време на транзицијата кога без работа останаа повеќе од 200.000 луѓе, а беа затворени над 684 фабрики.
СДС на Неготино му нуди кадар кој има само завршено средно образование.
На Неготино не му требаат ликови кои градот ќе го враќаат назад во минатото.
На Неготино не му е потребен градоначалник што има потценувачки однос спрема посиромашните луѓе, и луѓе што не се од неговото опкружување.
СДС повторно ги нуди старите и истрошени кадри на Неготинчани. Бившите вработени во фабрика за кабли во Неготино најдобро го знаат тоа и за тоа ќе го казнат СДС на 15-ти октомври.
Неготинчани нема да дозволат расипничкото владеење на централната власт предводена од СДС, да се прелее и преточи на локално ниво, односно на локалната власт.
Неготинчани нема да дозволат неодговорни и луѓе со матно минато да раководат со Неготино.
Неготинчани на 15-ти октомври ќе го казнат СДС за сета неодговорност и расипништво“, изјави Бојан Илиев.