Продолжение на судскиот процес денеска е закажано за случајот „Насилството во општина Центар“, откако минатото рочиште беше одложено бидејќи судијката Татјана Михајлова изјави дека предметот е во Апелацискиот суд.
Првообвинет во случајот е лидерот на ВМРО-ДПМНЕ Никола Груевски, а покрај него на обвинителна клупа треба да седнат и поранешниот министер за транспорт и врски Миле Јанакиески, пратеничката Даниела Рангелова, како и извршителите на насилство врз градоначалникот на Центар Андреј Жерновски во 2013 година.
За случајот со нарачаните шлаканици за Жерновски, Специјалното јавно обвинителство поднесе обвинителен предлог на 15 септември минатата година.
