„По повеќе од една деценија градоначалникот на Аеродром Ивица Коневски се сети на Острово и оттука ја почнува предизборната кампања. Срамно е Коневски сега да ветува поправка на улиците кога имаше осум години да го направи тоа и не го направи.
Смешно е Коневски редовните реконструкции на коловозите да ги претставува како капитални проекти. А срамно е што осум години не се грижеше за безбедноста на децата во основните училишта.
Новата власт предводена од СДСМ ќе изврши целосна реконструкција на руинираните улици во Острово, ќе воведе бесплатно обезбедување во основните училишта и ќе направи обележана пешачка зона од ТЦ. Скопјанка до училиштето Браќа Миладиновци.
На 15 октомври од власт си заминува Коневски заедно со урбаната мафија, бизнис интересите на Груевски и Мијалков и коруптивните тендер зделки.
Наскоро доаѓа одговорна, граѓанска локална власт која ќе ги решава клучните проблеми како загадувањето, инфрастурата, урбанизмот и комуналната хигиена“, се вели во реакцијата на СДСМ Аеродром.