Шведската компанија ИКЕА поднесе барање за издавање градежна дозвола за својата прва стоковна куќа во Хрватска, на источниот излез од Загреб.
Загребскиот весник „Јутарњи лист“ пишува дека отворањето на објектот е предвидено една година по почетокот на изградбата, која се очекува во март или април следната година.
Вкупната вредност на оваа инвестиција во Хрватска ќе изнесува околу 100 милиони евра.
Од ИКЕА најавуваат дека во текот на целата следна година континуирано ќе отвораат нови работни места, а кулминацијата ќе биде шест месеци пред отворањето на стоковната куќа, кога се очекува вработување до 200 работници.
Во стоковната куќа ќе работат околу 350 вработени.