Законот за јазици се носи во очи на локалните избори и претставува политичка уцена од ДУИ кон СДСМ, со што треба да се покријат сите скандали, уцени и неостварени ветувања кон албанското население, обвини пратеникот од ВМРО-ДПМНЕ, Илија Димовски.
90 отсто од членовите на овој закон се неуставни и излегуваат од Рамковниот договор. Членовите на ДУИ сметаат дека со овој закон ќе ги покријат сите пропусти што ги направиле во изминатите 16 години, рече Димовски на самиот почеток на расправата за Законот за јазиците.
Тој прочита неколку членови од предлог законот за јазици со што истакна дека албанскиот јазик нема да се користи само во органите на државната власт, како што предвидува Рамковниот договор, туку многу пошироко.
– Предлагачот и СДСМ го кршат Уставот и со овој закон предвидуваат 10 други начини на користење на јазикот кои ги нема во Рамковниот договор, рече Димовски.
Виктор Јованов