Руското Министерство за одбрана соопшти денеска дека фрегатата „Адмирал Есен“ на Црноморска флота истрелала крстосувачка ракета врз позициите на Исламската држава во близина на сирискиот град Деир ел Зор.
– Нападот бил извршен врз упориштето на група милитанти, главно од Русија и другите земји-членки на Заедницата на независни држави, се наведува во соопштението.
Ефикасноста на ракетниот напад била потврдена од страна на разузнавачките авиони и беспилотните летала.