„Владата предводена од СДСМ ги санира штетите од хаосот што ВМРО-ДПМНЕ и Никола Тодоров го направија во здравството и предизвикаа штета на здравјето на граѓаните.
Во фокусот на промашените политики на ВМРО-ДПМНЕ цели 11 години беа криминалните апетити на Никола Груевски и неговите соработници, а не граѓаните!
Наместо модернизација на здравството, со расипничкото и криминално трошење на парите, ВМРО-ДПМНЕ клиниките ги остави во долгови, без основни услови, со дефицит на специјалисти, кровови што протекуваат, со неупотреблива опрема.
Владата предводена од СДСМ ќе продолжи посветено работи на санација на направените штети и подобрување на условите во здравството, во интерес на сите граѓани“ се вели во соопштението на СДСМ.
