Османи заминува во работна посета на Германија, ќе оствари средби со Рот и Гис

Од:

Заменик претседателот на Владата задолжен за европски прашања, Бујар Османи денеска ќе отпатува во работна посета на Берлин, Германија.

Таму се очекува вицепремиерот Османи да оствари средби со Михаил Рот, државен министер за Европа во федералното Министерство за надворешни работи и со Андреас Гис, директор за развојна соработка во Министерството за економска и развојна соработка на Германија.

Реформите поврзани со процесот на европска интеграција на Македонија, особено динамиката на реализацијата на мерките од Планот 3-6-9, како и можностите за германската поддршка за нивна имплементација ќе бидат во фокусот на разговорите, информираа од кабинетот на Османи.

На средбите ќе се разговара и за Берлинскиот процес како и имплементацијата на мерките од Агендата за поврзување кои се особено значајни за понатамошно унапредување на регионалната соработка, како важен сегмент за процесот на пристапување во ЕУ.

Дополнително, во рамки на посетата на Берлин, Османи ќе се сретне и со д-р Кристоф Бејер, потпретседател на Управниот одбор на ГИЗ како и со претставници на Фондацијата Конрад Аденауер и Фондацијата Фридрих Еберт.

Би можело да ве интересира

Полјаците и Чесите купуваат пропаднати германски компании

Напаѓач влезе во обложувалница и отвори оган – најмалку тројца ранети

А1он

Лидерката на AfD ги испраќа Мерц и Писториус на украинскиот фронт

Горан Наумовски

Мерц тврди дека Русија испраќа дронови над Германија

Германската полиција уапси Хрват поради дрон над аеродромот

Османи: Граѓаните кои се измамени нема да бидат жртви на урбаната мафија