Група научници првпат успеаја да „корегираат“ гени во раниот стадиум на развој на човечки ембриони, со цел да спречат настанување на срцева болест, која се пренесувала наследно на генерации во едно семејство.
Научниците до резултатите дошле откако утврдиле мутација на гените како причина за хипертрофична кардиомиопатија, која предизвикува ненадејна смрт кај инаку здрави лица.
Имено, научниците сперматозоиди од маж кој имал хипертрофична кардиомиопатија ги корегирале по пат на користење на технологија со преуредување на гените, со чија примена во медицината ќе се овоможи отстранување на генетички „грешки” кои предизвикуваат тешки болести), а потоа со нив оплодиле здрава јајце клетка со инвитро техника.
Тие ембриони смееле да се развиваат само неколку дена и не требале да бидат имплантирани.
Студијата е резултат на соработката на калифорнискиот Институт за биолошки науки „Салк“, Универзитетот за здравство и науки во Орегон и корејскиот Институт за базични науки.