Јапонската армија може да пресретне проектили што Северна Кореја евентуално би ги испукала врз американската тихоокеанска територија Гуам, изјави денеска министерот за одбрана Ицунори Онодера.
Во обраќање во комисијата во Долниот дом на парламентот тој рече дека националните сили за одбрана ќе добијат наредба да ја соборат ракетата испукана кон Гуам ако биде проценето дека е закана и за Јапонија.
Според експерти, Јапонија нема капацитет да собори ракета што би прелетала над нејзината територија кон Гуам.
Генералниот секретар и портпарол на јапонската Влада Јошихиде Суга изјави дека државата никогаш нема да може да толерира провокации од Северна Кореја.