Израел соопшти дека член на обезбедувањето на израелската Влада во главниот град на Јордан, Аман отворил оган и убил двајца Јорданци за време на судир.
Ова е прва информација од израелската страна во врска со инцидентот, за кој претходно денеска соопшти јорданската Дирекција за безбедност.
Пукотниците се случиле вчера во станбен комлекс, користен од персоналот на израелската Амбасада.
Двајца јордански работници влегле во зградата под изговор дека ќе разменуваат мебел. Едниот од нив го нападнал припадникот на израелското обезбедување со шрафцигер. Израелецот отворил оган и го убил работникот – 17-годишен Јорданец, соопшти израелското Министерство за надворешни работи.
Според Министерството јорданскиот сопственик на апартманот, во кој се случил инцидентот, бил случајно застрелан и потоа починал од повредите.
Јордан побара истрага за инцидентот и го повика персоналот во израелската Амбасада да не ја напушта дипломатската мисија.