Обвинителот од Специјалното јавно обвинителство, Гаврил Бубевски во врска со неизвршената мерка притвор за Грујовски, Бошковски и Јакимовски изјави дека кога ќе се определи притвор од страна на суд, таа одлука треба да се изврши.
Тој посочи дека аргументите и доказите се на нивна страна и дека веруваат доколку обвинетите се жалат за притворот, Врховниот суд ќе одлучи правилно.
Во јавноста поделени се мислењата за тоа дали жалбата го одлага извршувањето. Законот за кривична постапка пропишува дека по одлуката на првостепениот суд, одлуката за притвор станува извршна и жалбата до Апелација не го одложува извршувањето, но не е пропишано што во ваков случај по поднесена жалба на одлуката на второстепениот суд.
Виктор Јованов