Во Штип од денеска и официјално почна наплатата на паркинг местата по пат на СМС пораки. Директорот на ЈП „Стипион“-Штип, Игне Иванов денеска изјави дека од утринава екипите се на терен и на возачите им објаснуваат како да си го наплатат паркинг местото со помош на мобилните телефони.
-Значи телефонскиот број на кој граѓаните треба да пратат е 14 84 84. Телефонот е лесен. Градот е поделен на неколку зони. Тоа е поради нашата контрола и поради подобар увид на терен. На таблите ги пишува зоните. Значи само со погледнување на таблата и целата таа операција која што граѓаните треба да ја пратат на СМС пораката за да биде дозволено паркирање го пишува на самата табла и да згрешат ќе добијат информација на својот мобилен телефон дека пораката треба повторно да ја пратат, вели Иванов.
ЈП „Стипион“-Штип стопанисува со околу 700 паркинг места во градот Штип. Иванов информира дека додека има залихи ќе се користат и дневните грепки кои се продаваат во трафиките и на други продажни места во централното градско подрачје.