Оперативен микроскоп денеска доби неврохируршкото одделение во Клиничката болница во Штип.
Директорот на Клиничка болница-Штип, Александар Стојановски денеска на прес-конференција рече дека станува збор за донација од Универзитетската болница во Цирих.
Тој нагласи дека донацијата е добиена со посредство на штипјанецот Оливер Божинов, кој предава и работи во болницата.
– Станува збор за оперативен микроскоп за потребите на неврохируршкото одделение, со што ќе се овозможи поквалитетна и по професионална услуга за пациентите од нашиот регион, рече Стојановски.
Овој тип апарат е прв и единствен во земјава и овозможува посложена медицинска оператива која ќе може да се спроведува во координација со докторите од скопските клиники, кои освен едукативно, делуваат и дијагностички оперативно во штипската Клиничка болница.