Пожарот во Баница се уште не е ставен под контрола, а според последните информации зафатил поголема површина.
Сите противпожарни возила во моментов се наоѓаат пред селото за да го спречат ширењето на огнот кон куќите, а на помош на жителите на населеното место Баница се придружија и в.д. градоначалникот на општина Струмица, Костадин Костадинов и секретарот на општината, кој што воедно е и командант на општинскиот штаб за заштита и спасување, Кирил Парталов.
Парталов информираше дека се во постојана координација со сите надлежни органи и дека се прават сите напори за пожарот да се стави под контрола.