Општина Аеродром од денеска во соработка со јавните претпријатија „Паркови и зеленило“ и „Комунална хигиена“ почнува со акција за расчистување мини депонии.
Од општина Аеродром апелираат до сите несовесни граѓани, кои својот шут, отпад и дотраени апарати и предмети од домаќинство ги фрлаат на места кои не се за таа намена, дека ќе се преземат одредени санкции за спречување на оваа појава.
Потсетуваат дека редовно организираат акции за собирање кабаст отпад на целата територија на општина Аеродром и ги информираат граѓаните кои итно имаат потреба од подигање кабаст отпад да се јават во ЈП „Комунална хигиена“ на бесплатниот број 0800 222 33, од каде со одреден надомест ќе добијат ваква услуга и во другите денови.