ВМРО-ДПМНЕ беше противник на укинувањето на радиодифузната такса, сега дволично и безидејно копира проекти.
Лицемерниот предлог на ВМРО-ДПМНЕ не е ништо друго освен приказ на безидејноста и очајнички обид преку предлагање копирани мерки и проекти да се сокрие криминалот и грабежот на граѓаните што ВМРО-ДПМНЕ го правеше цели 11 години, реагира СДСМ.
Партијата наведува дека ВМРО-ДПМНЕ во изминатите години својата, како што вели, валкана пропаганда ја наплаќала од џебот на осиромашените граѓани и силно се противела на секој предлог за укинување на радиодифузната такса.
– Денес, дволично и лицемерно, потценувајќи ги граѓаните, предлага мерки кои се дел од Програмата на новата Влада и кои наскоро ќе станат реалност. Ваквата недоследност и погазување на сопствените ставови, само ја докажува несериозноста и неодоговорноста на ВМРО-ДПМНЕ. Никој повеќе не ги сфаќа сериозно ВМРО-ДПМНЕ кои до вчера силно ја бранеа радиодифузната такса, а денес се залагаат за нејзино укинување, пишува во реакцијата на СДСМ на прес конференцијата на Жаклина Пешевска од ВМРО-ДПМНЕ.
