„Владата на СДС наместо да ги реализира проектите кои се започнати, времето го губи за наоѓање на изговори и оправдувања за неработењето.
СДС е повеќе од месец дена на власт, а продолжува да глуми опозиција.
По доаѓањето на СДС на власт, граѓаните на Република Македонија ги очекуваат ветените 600 километри автопат, 550 километри магистрални патишта и 1.000 километри локални патишта, а не политизирање кое не им носи реален бенефит, ниту на граѓаните, ниту на државата.
СДС продолжува да си игра со големите инфраструктурни проекти кои се од големо значење на Република Македонија и за граѓаните.
Пред неколку дена СДС ја проблематизираше изградбата на автопатот Кичево-Охрид, за сега да наоѓаат изговори и во изградба на експресниот пат Прилеп-Градско. Време е СДС се фатат за работа и да го изградат автопатот кон Охрид и експресниот пат Прилеп-Градско.
Експресниот пат Прилеп-Градско е пат од огромно значење не само за жителите на Прилеп и Градско, туку и за целиот поширок регион на централна и јужна Македонија, кој ќе го забрза протокот на возилата и ќе допринесе за поголем економски развој.
Затоа, ВМРО-ДПМНЕ ги потсетува СДС да не држат празни прес конференции туку да се фатат за работа, бидејќи граѓаните ги очекуваат ветените проекти но и финализирање на веќе започнатите проекти“, се вели во реакцијата на ВМРО-ДПМНЕ на прес конференцијата на Благој Бочварски.