Новите санкции на САД против Русија нема да „ја притиснат земјата во ѕид“, но ќе им наштетат на билатералните односи, изјави денеска рускиот претседател Владимир Путин.
– Што и да се случи, каква одлука и да донесат преку океанот, тоа нема да не „притисне во ѕид“, нагласи Путин.
– Сигурно ќе биде наложено да коригираме нешто, да направиме нешто дополнително, на нешто да обрнеме дополнително внимание, но тоа нема да не турне во ќор-сокак или во некаков колапс, увери рускиот претседател.
– Сепак, природно ќе ги отежни руско-американските односи, според мене тоа е штетно, предупреди тој.
– Сега, сепак е премногу рано да се зборува за било какви одмазднички чекори, треба да видиме како ќе завршат работите, додаде Путин.