Собраниската Комисија за одбрана и безбедност на денешната седница заклучи дека Предлог-законот за изменување и дополнување на Законот за странци е прифатлив и може да се даде на натамошно читање.
Министерката за внатрешни работи Гордана Јанкулоска во образложението на измените и дополнувањата на Законот, појасни дека им се дава можност на странците од земјите-членки на Европската унија и на ОЕЦД со купување недвижен имот во вредност од над 40.000 евра да можат да добијат дозвола за привремен престој во Република Македонија.
Досега со закон беше регулирано странец да може да добие дозвола за привремен престој за максимален период од 90 дена во рок од шест месеци, без разлика дали имал или немал имот.