Министерот за внатрешни работи, Оливер Спасовски, денеска одржа работна средба со амбасадорката на Република Турција во Република Македонија, Тулин Еркал Кара.
Амбасадорката Еркал Кара му честиташе на Спасовски за изборот за министер за внатрешни работи и му посака многу успех во извршувањето на неговата функција.
Министерот Спасовски се заблагодари за честитките и воедно изрази големо задоволство од досегашната соработка помеѓу министерствата за внатрешни работи на двете земји.
Соговорниците ја искажаа својата подготвеност соработката да продолжи и во иднина, и таа да биде продлабочена преку потпишување на билатерални договори во областите кои се од интерес на граѓаните. Тие разговараа и за соработката која се однесува на спроведувањето на обуки и тренинзи за македонските полицајци, што беше оценета како успешна.
