СДСМ испрати соопштение како реакција на изјавите на лидерот на ВМРО-ДПМНЕ, Никола Груевски.
„Новата рефорсма Влада предводена од СДСМ ќе работи посветено на отворање на евро-атлантските перспективи што се врвен државен интерес и коишто носат добро за сите. Непходно е сите, вклучувајки ја и опозициската ВМРО-ДПМНЕ, да се вклучат во реформските процеси што ќе ги придвижат закочените интеграциски процеси.
Никола Груевски скоро 11 години имаше можност да ги придвижи евро-атлантските интеграции, но наместо тоа, тој работеше спротивно на интересите на државата и граѓаните и правеше се за да ги загрози интеграциските процеси на Република Македонија.
Наместо да бара оправдувања и да поставува услови, Груевски треба да понесе одговорност за се она што им го стори на граѓаните и на Република Македонија, оддалечувајќи ја земјата од цивилизираниот демократски свет“ се вели во соопштението на СДСМ.
