Како НВО која работи на областите демократија и човековите права, го поздравуваме изгласувањето на новата Влада на Р.Македонија од страна на мнозинството во парламентот, велат од НВО Уфук во нивното соопштение.
„Поминавме низ прилично тежок период во кој се случуваа безброј несакани случки и немили настани. Време е Р.Македонија како држава да се стабилизира и да се врати на Евро-Атланската агенда. Ние сакаме новата Влада да воспостави добри односи со соседите и другите пријателски земји низ светот. Го поздравуваме обединувачкиот „Граѓанскиот концепт“ на владината коалицијата со кој граѓаните без разлика на различностите ќе се чувствуваат еднакви, а Македонија ќе ја прифатат како татковина.
Посакуваме една Македонија за сите, држава на еднакви можности за сите, држава во која различностите ќе бидат Наше заедничко богатство за соживот и меѓусебно почитување. Новата Влада на чело со премиерот Зоран Заев се состои од квалитетни кадри, луѓе кои се истакнале на професионален план и кои ќе превземат голема одговорност за просперитет и заедничка подобра иднина за сите граѓани. На сите министри во новата Влада и премиерот Зоран Заев им посакуваме успешна работа и остварување на програмата“ се вели во соопштението.