Министерот за земјоделство, шумарство и водостопанство Љупчо Николовски е роден 1983 година во Крива Паланка. По професија е дипломиран правник со положен правосуден испит. Учел и на Универзитетот во Стразбур, во Центарот за меѓународни студии за интелектуална сопственост.
Николовски е актуелен пратеник во Собранието, а беше и дополнителен заменик-министер за земјоделство. Ги извршувал и функциите шеф на кабинет на претседателот на СДСМ, имал адвокатска канцеларија, работел на проекти во различни сфери и бил овластен застапник за заштита на правата од индустриска сопственост.
Владее англиски, италијански и бугарски јазик.