Рускиот министер за надворешни работи Сергеј Лавров денеска изјави дека Русија и Кина се согласиле оти развојот на нуклеарната програма на Северна Кореја не би требало да биде изговор за поставување на елементи на американскиот глобален систем на антиракетен штит на Корејскиот Полуостров.
Лавров ја даде изјавата на заедничката прес-конференција со кинескиот министер за надворешни работи Ванг Ји.
– Москва и Пекинг исто така се за мерки кои се однесуваат на нуклеарната програма на Северна Кореја, но во исто време не го попречуваат изнаоѓањето на политичко решение во регионот, посочи Лавров.