Социјалци, стечајци и пензионери утре според информации на А1он ќе одржат контра протести пред зградата на локалната самоуправа во Охрид.
Според наши информации протестите треба да се одржат во 10 часот наутро. Одговор побаравме од Градоначалникот Александар Петрески. Според него станува збор за протести кои ги организира ВМРО ДПМНЕ, како што било случај и во неколку други градови низ Македонија.
„Тие протести не се од стечајците или социјалците, туку се од ВМРО ДПМНЕ. Ова што се случува во Македонија го нема никаде на друго место во светот, односно партијата која е на власт да прави протести пред седиштата на опозицијата и да протестира против опозицијата. Протестите кои ќе се организираат ќе бидат од членови на ВМРО ДПМНЕ и се без никаква основа“, рече Петревски
Претседателот на ОК на ВМРО ДПМНЕ, Атанаско Михаилов негира дека зад протестите се крие ВМРО ДПМНЕ
„ Треба да ги прашате во СДСМ, зошто тие луѓе сакаат да протестираат пред опозицијата Луѓето кои си имаат проблеми кои ќе останат без плата, без пензии и без социјална помош, тие протестираат и тоа е нормално. Луѓето сами си се организираат и нема потреба некој да ги организира за да ги бараат своите права. Нема потреба ние како партија да организираме такви протести и најмалку за категорија на социјални случаи кои имат лично своја мака. Мислам дека тие протести се исти како оние што се одржаа во други градови низ државата“ рече за А1 Михаилов.
Најавата за протести пред општината во Охрид се шири и на социјалните мрежи.