Две години, градоначалникот на општина Ѓорче Петров не реагира на повиците на жителите на истоимената улица како и општината, кои постојано се жалат од загрозената сообраќајна безбедност која царува на оваа општинскаа улица, изјави Ивана Вучковиќ, од Општинската организација на СДСМ од Ѓорче Петров.
– Денес, повикуваме да се превземат итни мерки за подобрување на безбедноста на сообраќајот на главната улица Ѓорче Петров, која е поврзана со автопатот Скопје-Тетово, а воедно е и влез на Скопје, преку општината Ѓорче Петров и населенто место Дексион. Го потсетуваме Градоначалникот Сокол Митровски дека во вечерните часови оваа улица изгледа како тркачка патека, која предизвикува сообраќајни незгоди во кои има тешко повредени возрасни лица, млади и деца, а притоа нема никакво присуство на сообраќајната полиција – изјави Вучковиќ.
Таа посочи жителите на оваа улица, бараат од Градоначалникот на општината и Министерството за внатрешни работи да го вратат мирот, спокојноста и безбедноста на граѓаните во овој дел на општината.