Акцијата за собирање електронски и електричен отпад во Општина Аеродром ќе продолжи и во текот на летото, информираат од Општината.
Граѓаните што имаат ваков отпад ќе можат да остават контакт-телефон во најблиската урбана заедница, кој потоа бесплатно ќе биде преземен од нивните домови од страна на надлежните лица од „Нула отпад“.
Друштвото за управување со отпад „Нула отпад“ на пет урбани заедници од Општина Аеродром им додели по еден апарат за вода и галони вода.
Донацијата е награда за најдобрите урбани заедници, кои беа дел од активностите спроведени во рамки на проектот еко-акција за собирање електронски и електричен отпад, при што беа собрани над четири тони опасен отпад.