Во Струмица почна реализацијата на проектот „Учиме да готвиме и стекнуваме здрави животни навики“ спроведен од Центарот за поддршка на лица со интелектуална попреченост „Порака“ од Струмица, а финансиран од Програмата за социјална заштита- трансфер до НВО 2017 година.
– Главната цел на проектот е развој на вештини кај лицата со интелектуална попреченост за оформување здрави животни навики, преку стекнување знаења и вештини за подготовка на храна, вештини за организација, договарање, поделба на задачи и координација, истакна Соња Сачевска од Центарот „Порака“.
Обуката во народната кујна во Социјалниот клуб ја врши квалификуван волонтер. Со проектот, што трае шест месеци, ќе бидат опфатени тринаесетина деца.
– Најпрвин, корисниците се учат со препознавање на прехранбените намирници од фотографии. Потоа ќе одиме на терен, во овоштарник и градина за да се запознаат со плодовите. Во последната фаза децата ќе приготвуваат јадење, додава Сачевска.
Вкупниот добиен грант изнесува 126 илјади денари.